طرحتِ الفنانة أنغام أغنية جديدة بعنوان “لوحة باهتة” عبر قناتها على موقع الفيديوهات يوتيوب.
وأغنية “لوحة باهتة” من كلمات نادر عبد الله وألحان تامر عاشور وتوزيع طارق مدكور.
وتقول كلماتها:
عارف احنا طول فراقنا زي إيه
زي لوحة باهتة لونها مايترسمش
زي سطر في صفحة متشخبط عليه
مهما تقرا فيه تلاقيه مابيتفهمش
زي طفلين وقت لما بيغلطوا
بتلاقيهم خافوا يومها وعيطوا
زي حرفين مشبوكين واتفرطوا
زي طرفين مقطوعين مابنتلضمش
كنت عمري ياللي مقصود بالكلام
كنت ضهري ونفسي ضهري مايتقطمش
هوَّ بالليل ينفع إنِ العين تنام
إلا لو لو يحضنها ويغطيها رمش
ليه وافقنا وسِبنا بعض إزاي كمان
واتفارقنا قال عشان مابنتفاهمش
عننا ما كنا اتفاهمنا من زمان
بس م اللي بينا كنا مانتحرمش
كنت عمري ياللي مقصود بالكلام
كنت ضهري ونفسي ضهري مايتقطمش
هوَّ بالليل ينفع إنِ العين تنام
إلا لو لو يحضنها ويغطيها رمش
