فاجأ الفنان وائل عبد العزيز، شقيقته الفنانة ياسمين عبد العزيز، بتوجيه رساله لها معرباً فيها عن رغبته بمصالحتها، وتمنى الخير لها، وذلك بعد الخلاف الذي نشب بينهما، بسبب زواجها من أحمد العوضي.
ونشر وائل عبد العزيز، صورة تجمعه بشقيقته عبر حسابه الشخصي، بموقع التواصل الاجتماعي “فيسبوك”، وقال: “ربنا يكرمك ويوفقك ويحفظك، ربنا عالم الواحد مش عايز حاجة من الدنيا غير إني أشوفك ناجحة ومرتاحة في اختياراتك بالشكل اللي يليق بيكي”.
عقب نشر “وائل” هذه الرسالة، لقيت تفاعلاً كبيراً من المتابعين، حيث قالت أحدهم: “ربنا يخليكم لبعض ودايما هفضل اقولها طول عمري اللي داخل بين الأخوات خارج والله مهما طال العمر ربنا يسعدها ويسعدك ويبارك ف حياتكم”.
وقال متابع آخر: “يا أخي الحمدلله مالكوش غير بعض يا ول. ربنا يفرح قلبك انت وهي. حبايب قلبي والله. بحبكوا”، ووجه متابع آخر رسالة له قائلاً: “ده المفروض الوضع الطبيعي يا وائل، ربنا يخليكوا لبعض، ودايما سند وضهر لبعض”.
وفي وقت سابق، كتب وائل عبر حسابه بـ”فيس بوك”: “بصي يا ياسمين يا عبد العزيز يا أختي، أنا معاكي وفي ضهرك من وأنتي صغيرة، شيلت مشاكل كتير بسببك، من وأنتي عيلة صغيره بداية من مشاكلك مع الشاعر وبرادة، وأنتي عارفة أن أنا أتاذيت فيها إزاي وقضيته الشغالات مؤخرا، غير قضيه الضرب اللي كانت بينك وبين بنت هشام سليم، الممثلة اللي لبستيها التورتة في وشها”.
وتابع: “وقفت جمبك بكل ما أملك من قوة، أدافع عنك في كل موقف صعب مر عليكي، ونسيت حياتي ونفسي عشانك وبقي كل همي أنا “ووالدتك ” إنك تكبري وتبقي نجمة في مجالك.. سيبنالك اختياراتك كلها لنفسك ووفقنالك على معظم قراراتك وكنت الوحيد اللي ساندتك ووقفت جنبك في طلاقك.. لكن هنهرتل وتروحي تعرفي واحد أصغر منك بـ 10 سنين، لا من سنك وتتصوري صور مالهاش أي لازمة على حساب سمعتك وسمعتنا، لا ومحدش هيسمح.. من أمتي وإحنا بنعمل أعياد ميلاد وتنزل على السوشيال ميديا.. من امتى الناس بتجيب في سيرتنا !؟ ونقعد نتعاكس على السوشال ميديا”.
